2012 台中-清境-阿里山 7日6夜 8日7夜 甩轆之旅 --- 前言

台中

暑期旺季、一行六人、三對情侶難得就到假期，你會選擇去那裡？

自命走在科技前端的IT人開了一個GOOGLE DOC，提出了雲南、蒙古、泰國幾個目的地讓我們投票，最終，要不時間太長(無假)、要不旅費太貴(無錢)、要不有人去過(我幾時先可以去雲南?)，最後，我們決定去....台中-清境-阿里山。

去台灣的主要好處有三: 1. 平 2. 快 3. 唔駛點計劃準備。

係，6個都係懶人，所以注定了這一次是一個甩轆之旅。

[blacklisted] 東怡機票

定了日子之後，首先是訂機票～

而家香港-台中都幾方便，可以選擇的班機有
1. 香港快運航空
2. 港龍航空
3. 華信航空  

Check過ZUJI、PRICELINE、各間航空公司網頁及東怡機票，本身朋友想在東怡買，不過東怡又再次用番佢既賤招，一係要你CONFIRM左先幫你CHECK位，一係就電話話有位叫你去比錢，但去到門市又係無左個價/位，我已經試過幾次係咁，真係好浪費時間，東怡已經被我無限期BLACK LIST!!!!

總覺得要跟AGENT DEAL頗麻煩，所以我比較喜歡網上訂機票，不但可以一次過睇哂 available flights同價錢慢慢考慮，又可以即時確認機位，不用到門市走來走去或入數。

[有錢就唔坐] 香港航空

因為我們很窮，所以最後價格決定一切^^
即使新聞熱播有關香港航空航班延誤的消息，但年輕無懼的我們最後都是選擇了它。(多謝香港航空，成為是次出遊的重點回憶之一）

我們是直接在香港航空的網頁上訂機票的。只要加入buddy club，買機票時就會立即減$200，成為會員後再介紹朋友入會，當朋友經網上訂票，亦可賺取e-credit，於下次網上購票時用，所以咁計法，直接在這裡買跟agent價差不多，而且比經zuji買便宜一點, 連稅大慨只需$1780~



順便加入埋金鵬俱樂部，咁以後坐香港航空(HX) 、香港快運航空(UO)、大新華航空(CN)、海南航空(HU)、祥鵬航空(8L)、天津航空(GS)、西部航空(PN)及首都航空(JD)都可以儲里數了。

**不過坐左呢次之後，有得揀我都應該唔會坐香港航空啦~嘿嘿~ 不過如果你想claim delay保險，我是很推薦香港航空的。

[甩轆] 請持有半年或以上有效期的護照出遊

出發前兩天, 25/7, 毒先生赫然發現佢本護照有效期到28/1/2013, 向前數番半年, 係28/7/2013。
我地出發既日期係27/7/2013, 差一日, 佢就會上唔到機,  剛好有新聞話HKA有些飛機DELAY 左24HRS~ hmm hmm.....

最後, 我地無delay 一日咁多, 恭喜哂毒生, 可以同到我地一齊上機。

BOARDING的時候，地勤姐姐check 他護照時話: 「嘩, 你剛剛好喎!」